نقل جبل المقطم

الهدف: قوة و اهمية الصوم في حياتنا

ميعاد الوسيلة : قبل الدرس او اثناء شرحه

المواد المستخدمة: بلونة هيليوم و تقيلات و قطعة ورق

الوسيلة: بلونة هيليوم و تقيلات

التعليق: البلونة الهيليوم دي رمز للروح اللي دايما عايزة تبقى خفيفة و تطلع لفوق.. و التقيلة دي عاملة زي الجسد اللي دايما عايز يبقى في الارض الاتنين اتجهاتهم مختلفة لكن للاسف مربوطين ببعض و دايما في بينهم حرب.. لو اديت فرصة للجسد انه يسمن و يستريح هيبقى تقيل زي التقيلة الحديد دي ساعتها هياخد الروح و ينزل تحت. لكن لو ادينا فرصة انه يتلجم و الروح تتغذى تاخده و تطلع فوق زي التقيلة الورق دي.

و هي دي الفكرة في الصوم اننا نغلس شوية على الجسد عشان الروح تاخد فرصتها و تطلع لفوق.